10 кастрычніка ў філіяле “Гарадская дзіцячая бібліятэка” прайшло чарговае пасяджэнне літаратурна-краязнаўчага клуба “Крынічка”. Для вучняў 3 “А” класа СШ №4 было арганізавана літаратурнае знаёмства з кнігай Ганны Скаржынскай-Савіцкай “Прыгоды хамячка Тошкі”.

Дзеці пазнаёміліся з жыццём і творчай дзейнасцю дзіцячай пісьменніцы з Гродна. Услых прачыталі казку “Прыгоды хамячка Тошкі”.

З вялікім задавальненнем вучні пераказвалі самыя цікавыя моманты з казкі пра гарэзлівага і непаседлівага хамячка, адказвалі на пытанні і дзяліліся сваімі ўражаннямі і пачуццямі ад прачытанага.