Беларусь – край легенд, казак і паданняў. Зямля пад белымі крыламі, сінявокая Беларусь – гэтак часцей за ўсё завуць нашу родную краіну. Яна славіцца сваімі лясамі, рэкамі, працавітымі і сумленнымі людзьмі.

20 лістапада для ўдзельнікаў клуба “Патрыёт” было праведзена этнаграфічнае падарожжа “Скарбы роднага краю: легенды, песні, паданні”.

Удзельнікі мерапрыемства, вучні 1 “А” класа гімназіі №2, паслухалі цікавыя легенды пра Беларусь і Ваўкавыск. Пазнаёміліся з персанажамі беларускіх народных паданняў: Лесавіком і Зюзяй. Выканалі загадкавыя заданні ад Зюзі і даведаліся пра правілы паводзін у лесе ад Лесавіка. Склалі карцінкі персанажаў легенд з пазлаў. Пазнаёміліся з беларускімі народнымі песнямі і калыханкамі “Го-го-го каза”, “Ляцелі гусенькі цераз сад”, “А ты, коцінька-каток” з кнігі “Дзе Купала начавала”.

Напрыканцы сустрэчы кожны жадаючы меў магчымасць пагартаць і пачытаць падборку кніг з філіяла “Раённая дзіцячая бібліятэка”.