Каб любіць Беларусь нашу мілую,

                                                Трэба ў розных краях пабываць.

                                             Разумею цяпер, чаму з выраю

                                             Жураўлі на Палессе ляцяць…

                                                                                            Алесь Ставер

20 лістапада ў філіяле “Гарадская дзіцячая бібліятэка” ўдзельнікі літаратурна-краязнаўчага клуба “Крынічка” здзейснілі віртуальную вандроўку “Самыя прыгожыя мясціны Беларусі”.

Спачатку бібліятэкар Халецкая Т.І. прапанавала вучням абагульніць усе наяўныя ў іх веды пра нашу Радзіму. Для гэтага дзеці павінны былі адказаць на пэўныя пытанні, а пасля, з дапамогай прэзентацыі “Мая родная Беларусь”, хлопчыкі і дзяўчынкі адправіліся ў вандроўку па самым прыгожым мясцінам нашай краіны.

Дзеці наведалі самы старажытны горад Беларусі – Полацк, прайшліся па маляўнічым вулачкам Мінска, пазнаёміліся з адным з самых прыгожых замкаў Беларусі – Мірскім замкам. У чарговы раз упэўніліся, наколькі возера Нарач уражвае сваёй прыгажосцю і незвычайнасцю, а нацыянальны парк «Белавежская пушча» – сваёй магутнасцю і гісторыяй.

Дзякуючы віртуальнай вандроўцы па самыя прыгожым мясцінам Беларусі, вучні  атрымалі шмат станоўчых эмоцый і папоўнілі свае веды аб нашай краіне.