Сёлета снежань не вельмі апраўдвае сваё імя, не радуе снегам і марознымі днямі. На вуліцы яшчэ не запанавала сапраўднае зімовае надвор'е, але гэта не нагода для суму. Самы час рыхтаваць санкі ці лыжы, бо сапраўдная зіма нарэшце завітае і да нас. А пакуль мы не можам сабе дазволіць апынуцца ў заснежаным лесе, альбо скаціцца з горкі ў санках, можна пачытаць выдатныя беларускія вершы пра зіму.

18 снежня для ўдзельнікаў клуба “Патрыёт” – вучняў 1”А” класа гімназіі № 2 была падрыхтавана паэтычная замалёўка “Беларуская зіма, прыгажэй нідзе няма”. Бібліятэкар філіяла “Раённая дзіцячая бібліятэка” Таццяна Лупачова наведала першакласнікаў з падборкай дзіцячых вершаў пра зімовыя прыгоды хлопыкаў і дзяўчынак, а таксама пра змены ў прыродзе, якія адбываюцца з надыходам маразоў. З дапамогай вершаў Сяргея Чыгрына, Baciля Жyкoвiча, Рыгора Барадуліна, Дануты Бічэль-Загнетавай дзеці даведаліся, як зімуюць у лесе мядзведзі, ваўкі, зайцы, лісы і іншыя звяры. Выканалі творчае заданне “Зімовая замалёўка”, а калі стаміліся, прынялі ўдзел у фізкультразмінцы “Сінічкі”. Напрыканцы сустрэчы кожны з удзельнікаў клуба “Патрыёт” паабяцаў вывучыць назвы птушак, зімуючых на Беларусі і падрыхтаваць ім кармушкі.