“Паэзія Пятра Глебкі простая,
сціплая і мужная. Сапраўднае
хваляванне не патрабуе
ўпрыгожвання, яно ідзе з сэрца,
і ў гэтым магутная сіла ўздзеяння паэзіі”
Якуб Колас

13 лютага філіял “Гарадская  дзіцячая бібліятэка” запрасіў школьнікаў 10 класа СШ №4 на літаратурную гасцёўню “Мой родны край, мая калыска”, якая была прысвечана 120-годдзю з дня нараджэння Пятра Глебкі.

У ходзе мерапрыемства вучні даведаліся пра жыццёвы і творчы шлях паэта, праглядзелі дакументальны фільм пра аўтара “Гаючыя ўласцівасці кнігі”.

Пазнаёміліся з вершамі Пятра Глебкі, некаторыя з іх зачыталі ўслых. З задавальненнем і ахвотна выказвалі свае думкі наконт таго ці інога верша. Самая гарачая палеміка разгарнулася ў час абмеркавання вершаў на ваенную тэматыку: “Ноч. Халодная зямлянка” і “Сябры франтавыя”. Многім спадабалася ранняя лірыка П.Глебкі: “Вочы сінія” , “Ты вясна” і іншыя.