21 лютага кожны народ адзначае Дзень роднай мовы. Зараз у нашым рознакаляровым і рознагалосым свеце налічваецца больш за шэсць тысяч моў. Палова з іх пад пагрозай знікнення. Сярод іх, на жаль, і мова беларуская – самая мілагучная пасля італьянскай, самая старажытная між славянскіх, але карыстаюцца якой у паўсядзённым жыцці ўсяго толькі 23% жыхароў нашай краіны.

Для маленькіх чытачоў СШ№8 у філіяле “Раённая дзіцячая бібліятэка” 18 лютага адбылося літаратурнае знаёмства “Смак роднай мовы”. Першакласнікі разгадалі шмат загадак, паслухалі казкі “Дзедава рукавічка” і “Знаходлівы пеўнік”, паглядзелі мультыплікацыйны фільм “Піліпка”. Бібліятэкар зрабіла агляд самых цікавых кніжных навінак на беларускай мове.

Паразважаўшы, што для кожнага з нас азначае родная мова, пагадзіліся, што кожны грамадзянін краіны павінен валодаць роднай мовай, любіць і паважаць яе.