26 лютага для вучняў 1 “А” класа гімназіі № 2, удзельнікаў клуба “Патрыёт” прайшла гульня-загадка “Каласы роднай мовы”, якую падрыхтавала бібліятэкар філіяла “Раённая дзіцячая бібліятэка” Таццяна Лупачова.

Беларусь – наша Радзіма і беларуская мова для нас родная і самая прыгожая, таму пад час мерапрыемства гучалі вершаваныя радкі беларускіх пісьменнікаў: Максіма Танка і Янкі Купалы, Якуба Коласа і Васіля Віткі.

Хлопчыкі і дзяўчынкі прынялі ўдзел у конкурсе перакладчыкаў “Чароўны куфэрак” і гульне “Агарод на талерцы”, створанай па вершаваных загадках Анатоля Зэкава. Кожны імкнуўся першым даць правільны адказ. Віктарына “Беларускія прысмакі” нагадала ўсім, якія беларускія нацыянальныя стравы можна прыгатаваць дома з бацькамі. Гэта і калдуны, і зацірка, і бонды, а таксама ўсім нам любімыя дранікі.

Падчас мерапрыемства хлопчыкі і дзяўчынкі даведаліся пра жаночы і мужчынскі строй беларускага нацыянальнага адзення і зрабілі з паперы фігуркі “беларуса і беларусачкі” ў нацыянальных касцюмах.

Напрыканцы мерапрыемства дзеці з задавальненнем пачыталі яскравыя і цікавыя кніжкі на роднай мове.